ADTL NIa Estratéjiku ba Asuntu Defisiénsia

ADTL NIa Estratéjiku ba Asuntu Defisiénsia

Asosiasaun Defisiénsia Timor-Leste (ADTL) lansa treinamentu loron lima kona-ba Planu Estratéjiku, hodi haree ba aktividade sira-ne’ebé sai prioridade durante tinan ha’at laran (2016-2020), ne’ebé organizasaun sumbstrategic plan ADTLriña ne’e bele halo ba membru organizasaun sira hodi asigura direitu ema ho defisiénsia nian iha Timor-Leste.

“Kolókiu treinamentu ida-ne’e importante ba ADTL no ba organizasaun membru sira hodi haree prioridade saida maka tenke halo no hodi halo planu ida-ne’ebé estratéjiku ka bele responde nesesidade ema ho defisiénsia nian.” Prezidente ADTL Joaquim Soares hateten hafoin loke aktividade ne’e (Komoro, 15-06-2015).

Tuir Joaquim, asuntu defisiénsia loloos ne’e liga ba aspektu oioin ne’ebé importante ba ema nian moris. Tanba ne’e, ADTL presiza iha Planu Estratéjiku ida-ne’ebé bele akomoda aspirasaun ema sira ho defisiénsia nian, no nune’e bele aprezenta ba doador sira ka Estadu Timor-Leste hodi tau matan ba asuntu defisiénsia.

Nune’e mós General Manager ADTL Rigoberto Monteiro afirma tan, Asosiasaun Defisiénsia Timor-Leste presiza iha planu ne’ebé estratéjiku hodi hahu halo advokasia ne’ebé di’ak no liu-liu serbisu hamutuk ho organizasaun sira estadu nian no la’ós estadu nian sira, bele hahu tau atensaun ba asuntu defisiénsia. Tanba ema ho defisiénsia halo parte iha grupu ne’ebé vulneravel liu iha sosiedade. Nune’e, nu’udar organizasaun ne’ebé serbisu iha area defisiénsia presiza iha Planu Asaun ne’ebé estratéjiku ba asuntu defisiénsia, no liu-liu hahu integra asuntu defisiénsia iha vida sosiál kultura, ekonómika no polítika.

“Ita atu trasa planu ida-ne’ebé bele akumula aspirasaun sira ema ho defisiénsia nian, no atu nune’e, ADTL bele aprezenta ba Governu hodi Estadu haree prioridade sira ba asuntu defisiénsia. Tanba Parlamentu Nasionál rasik husu ita atu tau kestaun ne’e importante, nune’e bainhira iha diskusaun Orsamentu Jerál Estadu, Parlamentu Nasionál haree ida-ne’e hodi husu Governu aloka fundus.” Rigoberto hateten iha momentu hanesan.

Iha eventu ida-ne’e, partisipante sira ho defisiénsia reafirma liu oinsá ADTL ninia papel atu hasees ema ho defisiénsia hosi bareira sira tuir vizaun no misaun organizasaun nian. Tanba ADTL hanesan organizasaun sumbriña ba organizasaun membru sira-ne’ebé halo papel iha asuntu defisiénsia.

“Iha realidade, organizasaun sosidade sivil barak no institusaun sira Estadu nian seida’uk trata asuntu defisiénsia ho sériu. Simplesmente, ita hatete to’o agora implementasaun polítika nasionál inkluzaun sosiál no promosaun direitu ba ema ho defisiénsia seida’uk iha asaun, no tanba Planu Asaun seida’uk aprovadu. Buat ne’e pendente hela iha ministériu relevante, no wainhira loos maka buat ne’e bele implementa?”. Gaspar Afoso Sekretáriu-Jerál ADTL hateten.

Tuir Gaspar, organizasaun sira relevante ne’ebé temi iha Polítika Nasionál seida’uk integra programa sira nian ho asuntu defisiénsia, tanba seida’uk iha Planu Asaun Nasionál ka seida’uk aprova hosi Konsellu Ministrus. Maibé, ADTL ho lansamentu Planu Estratéjiku Organizasaun nian ajuda halais implementasaun Politíka Nasionál refere. ##

One Comment:

  1. Atu dezenvolve organizasaun hirak nebe relevante nebe iha perssia halo kolaborasaun servisuho Estadu liu-liu ba planu estrategiku hodi nun’e hametin diak liu tan programa nebe refere liu ba advocasi ba ita nia maluk defisiénsia. Liu husi advocasi ita bele hatene no rona aspirasaun husi sira no ita bele hatene hodi tetu didiak problema nebe sira hasoru no hodi buka solusaun kona ba issu nebe iha hodi nune’e aktividades hirak nebe ita trasa la’o tuir dunik planu nebe iha. Ita mos bele fo kapasitasaun no abilidade ita nia maluk sra. Obrigado

Leave a Reply

Your email address will not be published. Required fields are marked *