Jantar Fraternizasaun ho Prezidente Repúblika

JANTAR FRATERNIZASAUN HO PREZIDENTE REPÚBLIKA

“Fizikamente Sira Defisiente, Espiritualmente Sira La Defisiente”Jantar

 ADTL nia lideransa sira susesu iha lobby hodi hetan konkordánsia hosi Premeira Dama atu tuur nu’udar Embaixadora Boa Vontade ba Defisiénsia. Iha loron 4 Novembru delegasaun ADTL nian halo enkontru ida ho Premeira Dama, iha enkontru ne’e Premeira Dama simu proposta ADTL nian atu tuur hanesan Ambaixadora Boa Vontade ba Defisiénsia. Hatutan ba enkontru ne’e, Premeira Dama mós oferese apoiu hodi halo jantar fraternidade ho ema ho defisiénsia iha Palasiu Nobre, Lahane. ADTL simu apoiu ne’e ho laran ksolok no konsidera jantar hamutuk ho Prezidente sai hanesan momentum importante hodi alkansa objetivu ADTL nian ba estabelesimentu Konsellu Nasionál no mós kooperasaun inter-ministeriál iha serbisu ba defisiénsia nian sei susesu.

 Hatutan ba ida ne’e, ADTL ho Gabinete Prezidente organiza jantar fraternidade ida ne’e hala’o iha loron 26 Novembru 2014, iha Palasiu Nobre, Lahane. Jantar ne’e hetan partisipasaun a’as hosi ema ho defisiensia ho sira nian familia, envolve mós iha jantar ne’e parseiru dezenvolvimentu, organizasaun sosiedade sivil no reprezentante Governu sira.

 Prezidente Taur Matan Ruak nia mensajen iha seremonia ne’e akresenta liu ba dever estadu nian atu kJantar1ria oportunidade ba sidadaun defisiénsia sira atu halo parte iha vida sosiedade, integra no partisipa iha ekonomia nasionál no dezenvolvimentu nasaun Timor-Leste nian. Iha Jantar ida ne’e mós Sua Excelensia hasai moto ida nebee mak importante no sai hanesan lia fuan murak hodi enkorage EHD iha Timor maka: “Fizikamente Sira Defisiente, Espiritualmente Sira La Defisiente”.

Leave a Reply

Your email address will not be published. Required fields are marked *